XX. mendeko Euskararen Corpus estatistikoa

Testuingurua

LERRO GUTXITAN

ETXETIK Gurutzetako ospitalera bidean, anbulantzian bertan erditu zen Leioako emakume bat.

Goizaldeko ordu biak inguruan jaso zuten deia Gurutze Gorrikoek.

Etxeko pasiloan, erditzeko zorian zen A.T.M. 27 urtekoa bertaratu zirenerako.

Jaioberria eta ama osasun egoera onean iritsi ziren ospitalera.

HAXIXa trafikatzen zuten lau gazte atxilotu zituen Ertzaintzak Donostia eta Urnietan.

Errondon harrapatu zituzten Francisco Javier E.M. 26 urteko donostiarra eta Jose Luis F.E., Ondarroan bizi den 27 urtekoa.

Iñaki U.A. eta Juan Ignacio L.I., Urnietan.

ORDIZIAko bizilagun bat atxilotu zuen Ertzaintzak Tolosan exibizionismoagatik.

Hirigunean zegoen Venancio D.V. 62 urtekoa, auto barruan, prakak behera zituela, masturbatzen, handik gertu zegoen neska talde bati so.

Dendari batek egindako deiak ohartarazi zuen Ertzaintza.

Tongi hiritik etxera bueltan

Ehundaka mila musulman daramatza trenak Tongi hiritik (Bangladesh) etxera bueltan.

Argazkia urtarrilaren 18an ateratakoa da, Beswa Ijtema ospakizuna amaitu ondorengo egunean.

Mekako bilkuraren ondotik (Saudiar Arabia), musulman gehien batzen duen ekintza da hori.

Milioika eta milioika lagunek egiten dute topo Tongin; munduko bazter ezkuteenetakoak ere bertan izaten dira: bidaiaren deserosotasunak ez ditu atzerarazten.